قصر الشوق
ــــــــــــــــــــــــــــــ
صوتِك وجّك عطرِك شعرِك
لمسة إيدك عم تندهلي
شايف فيك إم ولادي
شامم ريحة أرضي وأهلي
عارف خلف البحر الأزرق
لمّا الشمس تموت بتخلق
عارف إنك عمري الجايي
لمّا الماضي ببحرك يغرق
***
قولي بحبك قلبي بيكبر
وسع الكون وإرجع أصغر
عمّر فوق الرمل الدايم
قصر الشوق الما بيتعمر
بحلم فيك وعم بتأمل
يكبر مرة الحلم ويكمل
عمر بيتي عا إيديك
بيت صغير يصير الأجمل
****
شو مشتاق لبيت صغيّر
وإنت تحبيني مش اكثر
وشبابيك الألفة تضوي
وبواب الحيرة تتسكر
دقة قلبك ترسم قلبي
عمرك عمري ودربك دربي
مشتاق لوجك يحميني
يحميني من وجوه الكذبة
قولي بحبك قلبي بيكبر ...
ـــــــــــــــــــــــــــــــــــــــــــــ
غناها مروان خوري
لسماع اللحن
Add a Comment
<<Home