اللبناني والطلياني --->اولاد عم
____________________
هيك تعودنا وهيك كبرنا وهيك تعرفنا على قرايبنا
بس يا هل ترى سألنا حالنا لييييش ؟؟؟
**
المعروف عند اللبنانية إنو :
فرنسا إمنا الحنون
وسوريا أختنا الشقيقة
والطليان اولاد عمنا
***
درّسونا بالتاريخ وبالجغرافيا إنه لبنان
" ذو وجه عربي "
واختلفوا على عروبته ..
:)
يمكن لأنه بينه وبين الأوروبية شي مشترك
مرة كانت أمه فرنسية
ومرة كان لبنان سويسرا الشرق
ومرة لأنه في نسب بينه وبين الطليان
ولأنه الطليان اولاد عم اللبنانية قطعا الجينات مشتركة بيناتهم
ولو رحتوا أوروبا كلها بتعرفوا إنو اللطليانية غير شكل ..
وقمة في عدم التنظيم والنظام
تماما مثل اولاد عمهم اللبنانية
ولو هاجراللبناني على إيطاليا ما رح يحس بالغربة ولا رح يستفقد لبلاده ولا رح يحس حاله إنه ببلد أجنبي المفروض إنه " متطور" يعني في شوية نظام والمنطق عندهم بيشتغل مش معطّل
:)
رح يلاقي حاله بعده عايش بنفس الفوضى ..
و الحظ حظ
والواسطة واسطة ..
والموظفين " هُم " أولا بعدين بيفكروا كنهم بيسّروا أشغال العالم أو بيخلوهم حِزّك مِزّك رايحين جايين عالدوائر الحكومية
وطبيعي لأنه اللبناني الله خلقه "برفيكت, وما بيغلط أبدا " وأذكى من كل البشر وأذكى من إنه يوقع حاله بمصيبة ..فكل ما صار مصيبة بشي مطرح من لبنان بيطلع الحق عالطليان .. لأنه أكيد اللبناني ما بيغلط , بس لازم في حدا نرمي اللوم عليه .. وما في إلا الطلياني بيحمل
:)
خلونا نشوف نسبة القرابة اللي بين اللبنانية والطليانية
وخلونا نشوف لحد وين الدم مشترك والجينات وحدة
كليب مهضوم كتير .. خذوا وقتكم وتفرجوا عليه
ولا تنسوا إنو الضحك بيطول العمر
سحر الشرق
ــــــــــــــــــــــــــــــــــ
.
Add a Comment
<<Home